Водачот на проруските сепаратисти на истокот на Украина, Денис Пушилин, објави дека се наоѓа во Соледар, град за кој Москва објави дека го освоила пред една недела, а чија загуба Киев сè уште не ја признал.
Проруските сепаратисти денеска одделно известија дека ги зазеле двете села Краснополивка и Двуречја кај Соледар.
Во изјава за руската телевизија денеска, ден по заминувањето во Соледар, Пушилин рече дека градот е уништен и дека практично нема зграда.
Според руската армија, освојувањето на тој град е етапа во напорите за опколување на Бахмут, кој Москва се обидува да го освои од летото и за кој двете страни жестоко се борат.
Пушилин рече дека борбите во тој град се интензивираат и дека руските војници „напредуваат“.
Тој рече дека единиците на паравоената група Вагнер сега ги контролираат блиските стратешки височини.
„Ситуацијата останува многу тешка, но нашите единици напредуваат речиси насекаде“, рече тој, додавајќи дека украинските војници масовно се префрлаат во насока на Бахмут.
Пушилин рече дека останале „многу малку жители“ во Соледар, град со околу 11.000 жители пред војната, кој се наоѓа северно од Бахмут.
Сите информации поврзани со најновите случувања со војната во Украина можете да ги прочитате ТУКА.