Куп хартии со чувствителни воени информации беа пронајдени расфрлани низ улица во градот.
Документите содржат податоци за чиновите на војниците, е-пошта, распоред на смени и детали за проблемот со оружјето, како и информации поврзани со пристапот до објектот за складирање оружје.
Документите ги открил на 16 март еден фудбалски навивач додека брзал на фудбалски натпревар во англискиот град Њукасл.
Мајкл Гибард згазнал на куп доверливи воени документи и на почетокот помислил дека тоа е ѓубре фрлено од блиската деловна зграда.
Во еден момент се наведнал и внимателно ги прегледал, пронаоѓајќи ги имињата и чиновите на војниците, деталите за патролите на базата, резултатите од тестот за дрога и шифрите за оружјата.
„Помислив: „По ѓаволите, ова не треба да биде тука“, рече Гибард, 41-годишниот маж.
Министерството за одбрана соопшти дека го истражува случајот и врши внатрешна истрага.
Даунинг стрит соопшти дека не може да коментира никакви детали додека трае воената истрага, јавува Би-Би-Си.
„Можете да очекувате да се преземат соодветни мерки како одговор на секое потенцијално нарушување на информациите“, рече портпаролот.
Случајното откритие на Гибард овој месец, во кое беа вклучени стотици воени документи на индустриска улица во северна Англија, ја шокираше земјата позната по строгата заштита на државните тајни.
Еден документ беше насловен „Клучеви и IDS кодови“, за кои БиБиСи верува дека се однесуваат на пристапот до оклопот – простор за складирање оружје и муниција – и системот за откривање натрапници.
Гери Хиберд, консултант за информациска безбедност со 35-годишно искуство, рече дека документите претставуваат „значајна“ закана.
Сите такви документи треба да се стават во кеса за горење или да се сечат во специјално назначена машина.
Откако ја направил фотографијата, Гибарс повикал полиција, но никој не дошол.
Затоа решил да ги земе документите кои му се чинеле како најчувствителни и ги однел во полиција на стадионот.
Биле доста скептични, но на крајот ги зеле документите.
Портпаролот на полицијата во Нортамбрија потврди дека на 16 март добиле дојава за потенцијално доверливи документи пронајдени во близина на центарот на градот Њукасл, додавајќи дека тие биле предадени на Министерството за одбрана.
Кога Гибард го напушти фудбалскиот натпревар четири часа подоцна, тој рече дека многу од хартиите ги нема, но некои сè уште се расфрлани во областа.