Пред повеќе векови во селото Нагоричане живееле двајца браќа. Куќите им се наоѓале во Нагоричане, а трлата во денешно Младо Нагоричане.
Кога дошло време за делба постариот брат Пешо решил да остане во стариот дом, а помладиот се настанил кај трлата, во Младонагорички пиленац (маало).
Ранковце, Љубинци, Гиновце и Петралица – како овие села ги добиле имињата?
По извесно време, од семејството на помалиот брат се одделиле повеќе фамилии и наскоро настанала мала населба.
Но, бидејќи новата населба била прилично оддалечена од Нагоричане, каде останал постариот брат, а и порано било заселено, тоа било наречено Старо нагоричане, а новата населба Младо Нагоричане.
Така, подоцна од тие две населби, откако нараснале се оформиле две посебни села, Старо и Младо Нагоричане.
Како се формирало селото и Драгоманце и од каде токму тоа име?
Инаку подоцна сличен бил и случајот на раселување и со младонагоричката маала Брадиновци, кои порано живееле кај младонагоричката црква. Тие тогаш имале трло кај Брадиновци, но околу трлата имало подобро место за живеење и таму се преселиле.
Прадедото на Брадиновци имал големо стадо овци во тоа време, а имал голема брада дури до појасот и селаните го викале на прекор Брадина. Затоа тие луѓе ги викале Брадиновци.
Раскажал: Денко Т. Станојковски, Куманово 1970 година
Извор: „Наш весник“ – 25 септември 1970 година
За повеќе вакви текстови кликнете ТУКА.