Андреј Медведев, поранешен член на платеничката група Вагнер, даде интервју за Франс 24 речиси два месеци откако побегна во Норвешка и таму побара азил.
Зборувајќи од Осло, Медведев објасни дека „сведочил многу работи“ додека се борел во Украина.
Сепак, тој рече дека не сака да зборува за спецификите бидејќи ги чувал информациите за норвешките истражители.
Поранешниот член на Вагнер, кој се борел во Украина меѓу јули и ноември минатата година, ја искористи приликата да му се извини на украинскиот народ.
Тој рече дека го напуштил Вагнер поради „методите“ и „наредбите“ на командантот.
Тој тврди дека членовите на платеничката група биле испратени во битка како „топовско месо“.
Магласува дека решил да ризикува и покрај тоа што знаел дека дезертерите пред него претрпеле „многу, многу сериозни последици“, како што е човекот од Вагнер кој бил убиен со чекан.
„Пригожин е луд“
Тој негираше дека редовните борци извршиле злосторства врз цивили, но рече дека командантите имаат од што да се срамат.
Тој одби да даде дополнителни детали за злосторствата, велејќи дека ќе ги сподели информациите со норвешките истражители.
Запрашан за шефот на Вагнер, Евгениј Пригожин, Медведев одговори дека го видел во центарот за обука, каде што ги охрабрувал своите луѓе велејќи дека градот Бахмут во источна Украина е речиси освоен.
Поранешниот платеник рече дека и самиот го изразил своето несогласување и потоа неколку дена бил затворен во контејнер.
Тој го нарече Пригожин „луд“, посочувајќи дека шефот на Вагнер „мисли дека може да прави што сака“.
„Кога ќе заврши целото ова шоу, спектаклот, мислам дека неговите ќе го убијат“, предвидува Медведев.
Тој додаде дека Пригожин го слуша само рускиот претседател Владимир Путин, инаку повеќе не би бил таму.
„Подготвен сум да ја платам цената“
Тој тврди дека е „изненаден“ од неодамнешните јавни изјави на началникот Вагнер против недостатокот на логистичка поддршка и муниција.
Поранешниот платеник му се извини на украинскиот народ „што бил дел од тоа“.
Сепак, тој инсистира на тоа дека рускиот народ, кој е жртва на провоената „пропаганда“, не треба да се поистоветува со руските лидери кои ја започнаа војната.
Медведев се надева дека ќе добие азил во Норвешка. Тој рече дека ако биде вратен во Русија, барем „ќе ја каже вистината“ и „подготвен е да ја плати цената за тоа“.
Сите информации поврзани со најновите случувања со војната во Украина можете да ги прочитате ТУКА.