Претседателот на ЕПП предложи кревање ограда на границите на ЕУ

Сподели со своите пријатели

Претседателот на Европската народна партија (ЕПП), Манфред Вебер, се залага за построга европска имиграциска политика и, меѓу другото, предлага да се подигне ограда на надворешните граници на Европската унија.

Loading...

„Оградите се секогаш последно средство, но тие се неопходни секаде каде што шверцерите на луѓе ги прекршуваат европските закони. Онаму каде што не е можно да се спречи илегалната миграција, потребни ни се огради“, изјави претседателот на ЕПП и потпретседател на баварската Христијанско-социјална унија (ЦСУ) за медиумската групација „Функе“.

Како места каде што би можела да се примени оваа мерка ги спомена источните граници на ЕУ, Медитеранот, а особено границите на Бугарија и Грција со Турција, пренесува Хина.

ПРОЧИТАЈТЕ И:  Вештачката интелигенција се заканува на осум милиони работни места во Британија

Преземете ја контролата врз Медитеранот

Вебер е и за „темелна промена“ во процедурата за барање азил. што не треба по секоја цена да се случи во рамките на ЕУ.

„Мислам дека мора да биде можно да се изврши брза проверка дали некој има право на азил или не на надворешните граници. Ако мигрантите доаѓаат од трети, безбедни земји, како што е Турција, тогаш мора да биде можно да се извршат овие проверки и таму“, смета Вебер.

Тој предложи и формирање канцеларии на ЕУ во земји како Тунис или Египет, каде ќе се проверат условите за добивање азил за бегалците од Африка.

ПРОЧИТАЈТЕ И:  Во Јапонија лани регистрирани рекордни 123.000 случаи на злоупотреба на деца

По повод вонредниот самит на Европскиот совет на почетокот на февруари, Вебер порача дека ЕУ мора да ја врати контролата врз Медитеранот.

Против „десничарските агитатори“

„Со сета почит кон приватната вклученост во спасувањето бегалци на море, тоа е домен на државните органи. „Не смееме да ја приватизираме миграциската политика“, рече тој.

Loading...

Тој додаде дека овие теми, во поглед на изборите за Европскиот парламент следната година, не смеат да бидат препуштени на „десничарските агитатори“.

Од втората половина на 2022 година, Германија повторно се соочува со зголемен прилив на илегални мигранти од земји како Сирија, Авганистан, Ирак и Турција.

Во некои делови од земјата се засилува и отпорот на граѓаните за изградба на нови прифатни објекти за бегалци.

ПРОЧИТАЈТЕ И:  Џакарта повеќе нема да биде главен град на Индонезија