Мекензи — река во Канада. Басенот на реката Мекензи е најголем во Канада, а втор по големина во Северна Америка.
Loading...
Тргнувајќи од западниот крај на големото Ропско Езеро, реката тече во насока на северозапад главно низ облати покриени со вечен мраз, и се влева во морето низ делта која, во зависност од сезоната може да биде мочурлива. Во текот на зимските месеци реката замрзнува по целата своја должина. Тоа е главно широка река, меѓу 1,5 и 6,5 километри со стрмни брегови од чакал и со чести мрежи од канали. Водите на реката Мекензи што излегуваат од Големото Ропско Езеро се бистри, а седиментот се наталожил во езерото. Водите од главната притока Лајард се матни и овие два тека не се мешаат целосно во првите 320 км надолу од утоката. На половина од својот тек реката Мекензи се влева во Големата Мечкина Река, која ја носи водата од Големото Мечкино Езеро. Мекензи со своите притоки има поречје големо околу 1,805,200 км², а тоа е површина со големина колку Мексико.