Украинската служба за безбедност (СБУ) и Јавното обвинителство по истрагата поднесоа обвинение против пратеник во украинскиот парламент за велепредавство.
Врз основа на наодите од истрагата, претставникот Нестор Шуфрич беше обвинет за антиукраински активности, кои вклучуваат „поткопување на информативниот простор“.
Шуфрич е обвинет за тесна соработка и извршување на упатствата на Володимир Сивкович, московски агент одговорен за координација на руските фондови во Украина.
„Главната задача на Шуфрич била да го поткопа информативниот простор“, се вели во соопштението на безбедносната служба, а пренесува Скај њуз.
СБУ додава дека претставникот ширел лажни наративи на Кремљ дека украинската држава е вештачки ентитет, дека Украина и Русија имаат една историја и дека Украинците и Русите се еден народ.
За ова кривично дело е предвидена затворска казна до 15 години.
Сите информации поврзани со најновите случувања со војната во Украина можете да ги прочитате ТУКА.