Во тек е последниот ден од самитот на БРИКС во југозападниот руски град Казан, а главниот настан е состанокот на форматот БРИКС Outreach/Plus, јавува Anadolu.
Овој собир вклучува нации кои не се членки на БРИКС, но се заинтересирани за зајакнување на врските со економскиот блок.
Организацискиот комитет на БРИКС објави дека на состанокот ќе присуствуваат 36 земји, а 22 ќе бидат претставени од шефови на држави, меѓу кои и турскиот претседател Реџеп Таип Ердоган.
Присутни се лидери од Азија, Африка, Блискиот Исток и Латинска Америка, како и претставници на повеќе меѓународни организации.
Руската делегација ја предводи претседателот Владимир Путин.
Путин закажа и неколку билатерални средби.
Меѓу другите, тој ќе се сретне со палестинскиот претседател Махмуд Абас и со генералниот секретар на Обединетите нации Антонио Гутереш.
Путин во четврток ќе одржи прес-конференција на која ќе го заврши тридневниот самит.
Лидерите на БРИКС во средата ја усвоија „Казанската декларација“, која го сумира исходот од самитот и мандатот на Русија како претседавач со БРИКС.