Околу 60 летови беа откажани во Лисабон во неделата, последниот ден од штрајкот на персоналот на земјата, покажаа податоците од националниот аеродромски оператор АНА.
Вработените во компанијата за ракување со багаж Портвеј бараат поголема плата за годишен одмор и полесно унапредување.
Податоците од веб-страницата на АНА покажаа дека 31 дојдовен и 28 појдовен лет биле откажани во Лисабон, најпрометниот аеродром во Португалија, во неделата.
Педро Фигуеиредо, портпарол на Националниот сојуз на работници во цивилното воздухопловство (SINTAC), изјави за Ројтерс дека околу 90 отсто од работниците на Портвеј во Лисабон и Порто учествуваат во тридневниот штрајк.
SINTAC очекува вкупно меѓу 70 и 80 летови во Лисабон да бидат откажани во недела, како и 30 до 40 на аеродромот во Порто, рече тој.
АНА нема податоци за откажани летови во Порто и Фаро, како и во Фуншал на островот Мадеира.
„Во наредните денови нашиот синдикат ќе ги оцени резултатите од овој штрајк и можно е да се прилагодиме на новите форми на борба“, рече Фигуеиредо, иако дополнително не објасни на што точно мисли.
Голем број вработени на аеродромите летово протестираа низ Европа барајќи повисоки плати за да се ублажи ударот од зголемената инфлација.
,Додека побарувачката за авионски патувања се зголемува, многу аеродроми немаат доволно персонал бидејќи вработените беа отпуштени за време на пандемијата кога немаше сообраќај.
Во меѓувреме, авиокомпаниите се борат да се справат со зголемените цени на горивото и затворањето на воздушниот простор поради војната во Украина.
Сите информации за економско-енергетската криза во светот можете да ги прочитате ТУКА.