Земјите Полска, Чешка и Словачка ветија постојана меѓународна поддршка за Украина, предупредувајќи дека Русија би можела да нападне други земји доколку Киев ја загуби војната.
Полскиот премиер Матеуш Моравјецки и колегите од Чешка и Словачка Петр Фиала и Едуард Хегер ветија поддршка на Украина во заедничката изјава објавена во понеделникот, 24 април, предупредувајќи дека доколку Киев ја загуби војната против Русија, следната цел може да биде Централна Европа.
„Украина мора да биде поддржана додека руските сили целосно не се повлечат од нејзината територија, со што ќе се стави дефинитивен крај на реваншизмот и империјализмот на Кремљ“, наведуваат лидерите на трите земји.
Тие додаваат дека сè помалку од тоа би било како да се испрати отворена покана до сите „авторитарни лудаци“ кои сметаат дека е прифатливо да ги нападнат своите соседи.
„Сега не е време да ја намалиме нашата решеност. Мораме да продолжиме да стоиме на страна на Украина без квалификации или резерви“, рекоа тие.
Сите информации поврзани со најновите случувања со војната во Украина можете да ги прочитате ТУКА.