Половина од Киевската област во наредните денови ќе биде без струја, вели гувернерот

Сподели со своите пријатели

Половина од регионот што го опкружува главниот град на Украина ќе остане без струја во наредните денови по руските ракетни напади врз електрани, изјави регионалниот гувернер на Киев.

Loading...

Нападите од понеделникот, кои вратија делови од Украина во мрак, се најнови во серијата напади во текот на неколку недели кои ја погодија клучната инфраструктура и оставија многумина без топлина и вода.

Киев, град со околу 3 милиони жители, се чини дека избегнал сериозна штета. Но, регионот на Киев, кој не го вклучува главниот град и кој пред војната имаше околу 1,8 милиони жители, беше силно погоден.

„Во следните неколку дена, околу половина од регионот ќе биде без струја“, рече Олексеј Кулеба, гувернер на регионот, на апликацијата за пораки Телеграм доцна во понеделникот.

ПРОЧИТАЈТЕ И:  Руски генерал: САД вршат експерименти со ХИВ врз украинските војници

Москва негира дека напаѓа цивили, но вели дека нивните страдања нема да завршат доколку Украина не попушти пред руските барања.

Ден или два да се воспостави нормално производство на струја

Најголемиот украински приватен снабдувач со енергија ДТЕК мораше да ја исклучи централата од електричната мрежа поради оштетување од нападот во понеделникот и рече дека централата била цел на 17 пати во изминатите два месеци.

Володимир Кудрицки, директор на националниот електроенергетски оператор Укренерго, рече дека Русија намерно ги започнала нападите кога температурата паднала под нулата.

„Потребни се ден или два за да се врати нормалното производство во системот“, изјави Кудрицки за украинската телевизија.

Loading...
ПРОЧИТАЈТЕ И:  Тинејџерка од Русија на Инстаграм ја критикуваше војната во Украина, ѝ се заканува затвор

Штети беа пријавени и во други региони, вклучително и во јужниот и југоисточниот дел, каде што се водеа некои од најжестоките борби меѓу украинските и руските сили, што предизвика предупредувања за дополнителни прекини на електричната енергија.

Сите пумпни станици за вода и резервни водови во регионот Одеса останаа без струја и водоснабдувањето беше прекинато, објави водоводното претпријатие на Телеграм.

Во Краматорск, град под контрола на Украина во областа Доњецк, 370 станбени згради останаа без греење поради прекин на струја, изјави градоначалникот.

Сите информации поврзани со најновите случувања со војната во Украина можете да ги прочитате ТУКА.