Италијанската премиерка Џорџа Мелони планира да ја води Европа и да воспостави добри односи со поранешниот американски претседател и најверојатно републикански претседателски кандидат Доналд Трамп, пишува Politico.
Порталот потсетува дека Мелони се залагала ЕУ да обезбеди непоколеблива поддршка за Украина и дека влијаела, заедно со другите десничарски лидери, Унијата да ги откаже планираните ограничувања за употребата на пестициди и да го намали пакетот мерки за борба против климатските промени.
Мелони, исто така, се заложи за миграциската стратегија на ЕУ да се пренасочи кон плаќање на трети земји да ги задржат мигрантите надвор од границите на Унијата.
Мелони продолжува да има моќно влијание врз највисоките претставници на ЕУ, како што е претседателката на Европската комисија Урсула фон дер Лајен.
Италијанската премиерка во недела ќе го посети Египет заедно со Фон дер Лајен, кој ќе потпише договор за миграција, според кој ЕУ ќе му плати на Египет дури 7,4 милијарди евра за поддршка на владините финансии и спречување на миграцијата.
Поради несогласувањата меѓу Брисел и Унгарија околу помошта за Украина, Мелони помогна да се убеди унгарскиот премиер Виктор Орбан да одобри пакет помош од 50 милијарди евра за Украина.
Во јуни, Европејците гласаат на изборите за Европскиот парламент кои најверојатно ќе резултираат со проширен десничарски блок во парламентот, според анкетата на Политика.