Соединетите Американски Држави не гледаат смисла во испраќање на големи разузнавачки и ударни дронови МК-9 „рапер“ во Украина, бидејќи немаат шанси против руската воздушна одбрана (АВО), изјави шефот на Пентагон, Лојд Остин.
„Таа платформа нема да опстане ако се обидат да ја распоредат во таа ситуација“, рече Остин на прашањето на сенатор за можноста за предавање на дронови МК-9 на Украина.
Претседателот на Здружениот Генералштаб Марк Мили се согласи со Остин и рече дека дронот нема да преживее бидејќи ќе биде погоден од руски систем за противвоздушна одбрана.
Тој се сомнева дека дронот МК-9 ќе им даде дополнителни можности на украинските војници во споредба со помалите, побрзи и повешти беспилотни летала што ги добиваат од Запад.
Остин исто така изјави дека според мислењето на Пентагон, на Украинците сега им е потребна воздушна одбрана, оклопни возила и средства за долг дострел.
Претходно Министерството за одбрана на Русија соопшти дека американскиот дрон МК-9 паднал во Црното Море при остро маневрирање.
Руските ловци кои биле подигнати за пресретнување не биле во контакт со него, ниту го користеле своето оружје.
Како што е објаснето, утрото на 14 март американско беспилотно летало МК-9 полетало кон руската граница со исклучени транспондери, а руски ловци биле лансирани во воздух за да го идентификуваат натрапникот.
Поради ненадејно маневрирање, дронот изгубил висина и паднал во водата, пренесува Спутник.
Сите информации поврзани со најновите случувања со војната во Украина можете да ги прочитате ТУКА.