Кинескиот потпретседател Хан Џенг ќе присуствува на инаугурацијата на новоизбраниот американски претседател Доналд Трамп на 20 јануари, објавија денеска кинеските државни новински агенции.
Пекинг покажува подготвеност да ги подобри односите со новата американска администрација, пишува Ројтерс.
Хан оди во Вашингтон на покана на американската страна, објави кинеската национална телевизија.
„Подготвени сме да го зајакнеме дијалогот и комуникацијата со новата американска влада, правилно да управуваме со разликите, да ја прошириме заемно корисната соработка и заеднички да промовираме стабилен, здрав и одржлив развој на кинеско-американските односи“, соопшти CCTV.
Се додава дека Кина отсекогаш гледала и ги развивала кинеско-американските односи во согласност со принципите на меѓусебно почитување, мирен соживот и соработка меѓу двете страни.
Кина е подготвена „да најде вистински начин Кина и САД ржави да се сложуваат во новата ера“, соопшти CCTV на 6 јануари дека тој и кинескиот претседател Си Џинпинг комуницирале преку претставници, изразувајќи оптимизам за нивната врска.