Сигурни сме дека барем еднаш во вашата врска или брак сте се нашле во ситуација да мислите или дури и гласно да кажете – „да можам да одам некаде два дена, да плачам и да го одморам мозокот од глупости“.
Особено ако му претходело повторување на некоја глупост по милионити пат: не ја спуштил даската, не ги собрал алиштата, направи го ова, направи го она…
Но, сега се чини дека има место каде што всушност може да одите неколку часа и практично да се „издувате“ од се што ве нервира кај вашиот партнер.
Тоа е женски камп кој стана вирален на интернет, каде девојките и сопругите можат да го ослободат својот затворен стрес и гнев.
View this post on Instagram
Описот под видеото гласи: „Ова е камп каде жените доаѓаат да го истурат гневот кон своите сопрузи“.
Видеото се здоби со огромна популарност, бидејќи многу гледачи се препознаваат себеси во него и сметаат дека е забавно и реално.
Ја отсликува уникатната средина на кампот, каде жените го изразуваат својот потиснат гнев во безбедна и поддржувачка атмосфера.
На снимката се гледаат жени како викаат на сиот глас, односно според деталниот опис достапен на интернет се ослободуваат од фрустрациите.
Некои од нив кршат дрвени стапови на земја, симболизирајќи го гневот што често го потиснуваат во секојдневниот живот.
Овој симболичен чин на кршење на стапови претставува ослободување на емоции кои, доколку се изразат јавно, може да доведат до сериозни последици за нивната врска.
View this post on Instagram
Видеото ги евоцира универзалните предизвици на брачниот живот, каде што многу жени чувствуваат дека мора да ги потиснат своите чувства за да го задржат мирот дома.
Но, што мислите, дали некогаш би се пријавиле за вакво нешто или овој тип на камп е премногу?
Напишете ни го вашето мислење во коментарите.