Италијанската полиција откри огромна паневропска мрежа за фалсификување чии членови правеле и продавале лажни уметнички дела што им се припишуваат на некои од најголемите имиња во модерната и современата уметност, вклучувајќи ги Бенкси, Пикасо и Ворхол…
Во Италија, Шпанија, Франција и Белгија, 38 лица се под истрага под сомнение за заговор за „зделка“ со украдена стока, фалсификување и нелегална продажба на уметнички дела, беше објавено во понеделникот во заедничка изјава од Канцеларијата на карабинерите за фалсификувани уметнички дела и Обвинителството во Пиза.
Главниот обвинител од Канцеларијата во Пиза, Тереза Анџела Камелио, изјави дека експертите од архивата на Бенкси кои помагале во истрагата сметаат дека денешната операција е „најголем чин на заштита на работата на Бенкси“.
Меѓу другите фалсификати се делата на големите уметници од 19 и 20 век, како што се Клод Моне, Винсент ван Гог, Салвадор Дали, Хенри Мур, Марк Шагал, Френсис Бејкон, Пол Кле и Пит Мондријан, пренесува Хина.
Инспекторите соопштија дека се запленети повеќе од 2.100 фалсификати, чија пазарна вредност се проценува на околу 200 милиони евра.
Тие рекоа и дека откриле шест работилници каде се фалсификувале делата, две во Тоскана, една во Венеција и останатите на друго место во Европа.
Тие рекоа дека истрагата ја започнале уште во 2023 година кога заплениле околу 200 фалсификати од колекцијата на еден бизнисмен во Пиза, меѓу кои била и копија од цртеж на италијанскиот сликар Амедео Модилјани, што ги навело до фалсификати кои ги продавале аукциските куќи. Италија и на крајот ги поврза со добро позната група за која се верува дека е специјализирана за фалсификати на Бенкси и Ворхол.
За да го зголемат кредибилитетот, неименуваните осомничени организирале две изложби на Бенкси со објавен каталог на престижни локации во градот Местре во близина на Венеција и во Кортона, Тоскана, велат истражителите.