”Нема правда – нема мир” – мото на масовниот средношколски протест во Куманово (видео)

Сподели со своите пријатели

Наставничкиот и Средношколксиот Пленум од Куманово, денес масовно излегоа на улиците во Куманово во знак на протест против одлуката за воведување математика во државна матура, но и против лошите образовни реформи, велат тие.

Loading...

[huge_it_gallery id=”4″]

Откако одржаа говори на градскиот плоштад, со извикување на пароли ”Ние сме иднината”, масата од градскиот плоштад се упати кон Регионалната канцеларија на Министерството за образование и наука спроти градскиот стадион во Куманово.

Никола Крстевски, член на Средношколскиот Пленум од Куманово, од градскиот плоштад се обрати до учениците и професорите со зборовите дека светот останува на младите, прашувајќи дали и македонските ученици не заслужуваат да имаат образование како нивните врсници во светот.

Маја Стојановска, професор по Македонски јазик и одговорно лице од Наставничкиот Пленум, се обрати пред учениците велејќи дека со денешниот протест, учениците покажале дека се зрели лица.

– Денес сме тука заедно за да ви докажеме дека добро сме ја завршиле нашата работа, вели Стојановска.

Loading...

Откако пристигнаа пред Регионалната канцеларија на МОН, студентите со сирена и мегафони, извикуваа пароли ”Нема правда – нема мир”, во обид да издејствуаат средба со надлежните.

Средношколците со денешнато присуство само потврдија дека се свесни за сите досегашни манипулации од страна на МОН, изјави Никола Крстевски, ученик и член на Средношколскиот Пленум од Куманово, додавајќи дека досега е остварена една неформална средба со локалните претставници кои се оградиле од секаква одговорност да влијаат во конкретниот случај.

Средношколскиот и Наставнички Пленум за следната недела најавија нови форми на протест и бојкот против лошите образовни реформи, екстерното тестирање и воведување математика во државна матура.


Leave a Reply

Your email address will not be published. Required fields are marked *