Времето денеска низ Македонија ќе биде сончево и многу топло со мала локална облачност, информираат од Управата за хидрометеоролошки работи.
Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.
Во Куманово и околината денеска ќе имаме сончево у многу топло време.
Ќе дува слаб до умерен ветер од северен правец.
Утринската температура ќе се движи околу 15 степени, а максималната дневна ќе достигне 36 степени целзиусови.
И утре ќе имаме сончево и многу топло време. Ќе дува слаб до умерен ветер од северен и северозападен правец. Температурата во утринските часови ќе се движи околу 16 степени, а дневниот максимум ќе се искачи до 36 степени целзиусови.
Четврток носи повторно сончево и многу топло време, а во попладневните часови услови за нестабилност со дожд и грмежи. Ќе дува слаб до умерен ветер од источен и североисточен правец, а температурата ќе се движи во интервал од минимални 16 до максимални 35 степени целзиусови.
Во петок ќе имаме сончево и многу топло време со мала облачност. Ќе дува слаб до умерен ветер од северен и североисточен правец. Утринската температура ќе се движи околу 18 степени, а дневниот максимум ќе достигне 35 степени целзиусови.
И во сабота ќе имаме сончево и многу топло време. Ќе дува слаб до умерено засилен ветер од север и североисток. Температурата во утринските часови ќе се движи околу 18 степени, а максимумот ќе се искачи до 33 степени целзиусови.
Сончево и многу топло време ќе имаме и во недела. Ќе дува слаб до умерен северен и северозападен ветер, а температурата ќе се движи од минимални 17 до максимални 35 степени целзиусови.
Екстремно високите температури ќе се задржат до крајот на следната работна недела.
Никола Ивановски