Микропластиката се покажува како поголем проблем отколку што некој можел да замисли.
Веќе е добро познато дека микропластиката е пронајдена насекаде во светот – од највисоките врвови до најдлабоките океани.
Микропластиката е пронајдена и во човечкото тело, дури и во телото на новородените бебиња.
Меѓутоа, местото каде што сега ја нашле може да има значителни последици.
Имено, истражувачите пронашле микропластика во наслаги на почва на длабочина поголема од седум метри.
Станува збор за почва која била наталожена во првиот или вториот век од нашата ера.
Проблемот е што почвата е ископана во 1980-тите, како дел од археолошките истражувања, а откривањето на микропластика потенцијално може да го промени начинот на зачувување на археолошките остатоци.
Како што е наведено во студијата објавена во списанието Science of the Total Environment, тим од научници од Универзитетот во Јорк во Велика Британија идентификувале вкупно 16 различни типови на микропластични полимери во современи и архивирани примероци од почва.
Иако досега најпосакуваниот начин за зачувување на археолошките остатоци беше на самото место на откривање, овие нови откритија може да го променат тоа, бидејќи микропластичната контаминација може да ја загрози научната вредност на остатоците.
Се чини дека ова е важен момент, кој го потврдува она што требаше да го очекуваме: дека она што претходно се мислеше дека се недопрени археолошки наоѓалишта, зрели за истражување, всушност се контаминирани со пластика, а тоа вклучува наоѓалишта земени и складирани во доцните 1980-ти, објасни Џон Шофилд, професор и директор на студии на Катедрата за археологија на Универзитетот во Јорк.
Колку оваа контаминација ја компромитира доказната вредност на овие наоѓалишта и нивното национално значење, ќе дознаеме допрва.
Објаснувајќи зошто микропластичната контаминација е толку загрижена, научниците посочуваат како таа може и ќе го промени хемискиот состав на почвата со текот на времето, што може да доведе до распаѓање на органските остатоци.
А со тоа и важни историски артефакти и траги.