Најмалку две лица загинаа, а повеќе од 50 се водат за исчезнати по уривање на рудник за јаглен во северниот кинески регион Внатрешна Монголија, објавија кинеските државни медиуми.
Loading...
Кинеската новинска агенција Ксинхуа објави дека луѓе се заробени во уривањето на рудникот Алкса лига што се случи денеска.
Спасувачите извлекле три лица, од кои две не дале знаци на живот, соопшти агенцијата.
Други медиуми јавуваат дека вкупно 57 лица се водат како исчезнати, а во уривањето на рудникот биле затрупани и возила.
Внатрешна Монголија е клучна област за рударство за јаглен и други минерали во Кина, а критичарите велат дека го уништила оригиналниот пејзаж на планини, тревни степи и пустини.