Германскиот производител на пиво Радебергер објави дека ќе го затвори погонот и фабриката за флаширање во Франкфурт поради драматично зголемување на трошоците.
„Најдоцна до октомври 2023 година, Групацијата Радебергер ќе ги прекине активностите за производство и флаширање на локацијата во Франкфурт, т.е. во пиварницата „Биндинг“, и постепено ќе ги префрли марките и количините произведени и флаширани таму на сестринските локации“, објавија во четвртокот.
Околу 150 работници би требало да останат без работа, а од компанијата нагласуваат дека „секаде каде што е можно, бараат општествено прифатливи решенија“, како хонорарна работа за постари работници и работа во други погони.
Пивото веќе поскапе, но тоа не ги реши проблемите
Седиштето на Групацијата Радебергер останува во Франкфурт.
Поради драстичното зголемување на цените на суровините, енергенсите и логистиката, групацијата веќе ги зголеми цените на пивото, но тоа долгорочно не ги реши проблемите, потенцираат оттаму.
„Со оглед на сегашните кризи, огромниот товар со кој се соочуваат германските производители на пиво и, последно, но не и најмалку важно, драматичната експлозија на трошоците со која ние како индустрија треба да се справиме, ситуацијата за жал стана неодржлива“, рече портпаролот Гидо Мокел.
Сите информации за економско-енергетската криза во светот можете да ги прочитате ТУКА.