Повеќе од 400 лица, претежно малолетници, се приведени во Франција поради ученички протести во средните училишта низ целата земја, изјави францускиот министер за внатрешни работи.
Протестите започнаа пред една недела и се проширија низ целата земја, објавува Би-Би-Си.
Учениците блокираат многу училишта поради низа проблеми, како што се преполни училници, оптоварување од сеопфатна образовна програма и недостаток на наставен кадар.
Најмалку 10 наставници и неколку ученици, како и 48 полицајци, беа повредени за време на вчерашните протести, соопштија официјални лица.
Според Министерството за образование, најмалку 400 училишта беа погодени од протестите.
Француските медиуми објавија дека демонстрантите испукале огномет кон полицијата, која одговорила со палки и солзавец.
Министерот за образование Едуард Зефре вели дека учениците имаат право на протест, но го осуди насилството.
Протестот на средношколците доби на интензитет во последните денови. Пред влезовите на многу средни училишта во Париз и други градови, учениците поставија блокадни транспаренти.
French students have blocked schools across the country, demanding more teachers, smaller classes and better-equipped schools.
Some protests escalated into clashes with police, while teachers, firefighters and other public workers also demonstrated over funding and resources. pic.twitter.com/eOpPqHF87P
— Al Jazeera English (@AJEnglish) September 29, 2026