По апсењето на контроверзниот инфлуенсер Ендрју Тејт (36) во Романија под сомнение за силување, трговија со луѓе и организиран криминал, на неговиот Твитер профил е објавена пораката „Матрикс ги испрати своите агенти“.
Се претпоставува дека пораката се однесува на неговото апсење.
Овој твит за само неколку минути го погледнале повеќе од половина милион корисници на оваа социјална мрежа.
Да потсетиме, Тејт беше уапсен заедно со неговиот брат Тристан во неговата луксузна вила.
Полицијата ги пребарала и другите негови имоти во близина на Букурешт.
Обвинителите рекоа дека браќата се осомничени во наводниот синџир на организиран криминал кој сексуално експлоатирал најмалку шест жени, кои биле регрутирани, сместени и принудени да изведуваат порно видео за продажба на интернет.
Самопрогласениот мизогинист Ендрју Тејт и неговиот брат ќе се соочат со испрашување од Одредот за организиран криминал и тероризам во земјата, како дел од истрагата за наводни сексуални злосторства и прекршоци за трговија со луѓе.
Се верува дека неговата онлајн расправија со Грета Тунберг придонела за тајмингот на рациите – кои дојдоа еден ден откако тој се потсмеваше на климатската активистка додека позираше покрај кутија за пица од локална пицерија, потенцијално потврдувајќи ја неговата локација пред властите.
„Во моментов не можеме да дадеме никакви детали во врска со наводните извештаи дека тие се приведени. Сепак, Ендрју и Тристан Тејт имаат најголема почит кон романските власти и секогаш ќе помагаат и помагаат на секој можен начин“, рече портпаролот на Тејт.