Германскиот канцелар Фридрих Мерц и американскиот претседател Доналд Трамп разговараа по телефон во четврток за војната во Украина и претстојните преговори во Абу Даби, објави денес портпаролот на германската влада.
„Канцеларот е вклучен во разговорите на американскиот претседател“, рече портпаролот, според Ројтерс.
Тој изјави дека разговорот меѓу Мерц и Трамп се одржал како дел од долгорочните подготовки за утврдување на форматот на преговорите во Абу Даби, како и можни подоцнежни разговори на други локации.
Телефонскиот повик дојде откако Трамп изјави дека во четврток се сретнал приватно со претставникот на рускиот претседател Владимир Путин, Кирил Дмитриев.
Дмитриев претходно присуствуваше на настан во Белата куќа, организиран од првата дама на САД, Меланија Трамп, на кој присуствуваа претставници на Украина.
Американскиот претседател не сакаше да ги открие деталите од разговорот со Дмитриев, но навести дека наскоро може да се постигне договор за прекин на војната во Украина.