Новата италијанска влада нема да се согласи со уцените на рускиот претседател Владимир Путин, изјави денеска премиерката Џорџа Мелони и изјави дека земјата се соочува со некои од најтешките предизвици од Втората светска војна.
Во своето прво обраќање пред парламентот, Мелони рече дека нејзината националистичка, десничарска коалиција ќе направи нејзиниот глас да се слушне во Европа и дека не и треба никаков надзор од странски влади, објави Ројтерс.
Мелони нагласи дека ќе ја продолжи политиката на поранешниот премиер Марио Драги во поддршката на Украина во нејзиниот конфликт со Русија.
„Потпуштањето на уцените на Путин за изворите на енергија нема да го реши проблемот, туку ќе го влоши, отворајќи го патот за понатамошни барања и уцени“, рече италијанскиот премиер.
Таа рече дека владата ќе понуди финансиска поддршка за семејствата и бизнисите погодени од енергетската криза, предупредувајќи дека високата цена за тоа ќе значи дека нејзината администрација можеби ќе треба да одложи некои од своите предизборни ветувања.
„Контекстот во кој владата ќе мора да дејствува е многу комплициран, можеби најтешкиот од Втората светска војна“, рече Мелони и предупреди дека економијата може да влезе во рецесија следната година.
Сите информации за економско-енергетската криза во Македонија, регионот и светот можете да ги прочитате ТУКА.