Девојче (3) се разбудила на сопствениот погреб, откако лекарите констатирале смрт, пренесува Мирор.
Камила Роксана Мартинез Мендоза, од Мексико, била прогласена за мртва во средата, на 17 август. Имено, тогаш лекарите за прв пат жива ја прогласиле за почината, што довело до тоа да се разбуди на погребот.
Инцидентите се случиле во болницата Салинас де Хилдалго во државата Сан Луис Потоси, во централно Мексико.
Мајката на Камила, Мери Џејн Мендоза, рекла дека 3-годишното дете повраќало и имало болки во стомакот заедно со треска.
Ја однеле кај педијатар во Вила де Рамос, која се наоѓа северозападно од Сан Луис Потоси, а педијатарот им рекол на родителите на Камила да ја однесат во болница.
Поради дехидрација, лекарите препишале парацетамол.
Неколку часа подоцна, откако родителите на Камила забележале дека нејзината состојба се влошила, ја вратиле во болница каде што била примена помеѓу 21 и 22 часот пред да биде прогласена за мртва.
– Им требаше долго време да ја поврзат со кислород – рекла мајката на малото девојче
Нејзината мајка појаснила дека била одвоена од телото на нејзината ќерка и додава дека следниот ден за време на погребот на нејзината ќерка забележале дека дел од стаклената плоча на ковчегот се замаглува.
Учесниците на погребот верувале дека жената халуцинира и не го отвориле ковчегот.
Во еден момент нејзината мајка рекла дека девојчето ги отворило очите, па решиле да го отворат ковчегот и сфатиле дека тоа не е халуцинација.
Веднаш повикале медицинска сестра, која пристигнала за неколку минути и потврдила дека девојчето е живо, па решиле да повикаат брза помош, но за жал, на пат кон болница Камила навистина го загубила животот.
Камила потоа била вратена во болница каде што била прогласена за мртва по втор пат.
Според државниот обвинител Хозе Луис Руиз, случајот е под истрага и во тек е обдукција.