Повеќе кик-боксери од Куманово од клубовите „Куманово 2006“ и „Предатор“ денеска и утре ќе учествуваат на меѓународен турнир во Босна и Херцеговина.
Босанскиот град Тешањ ќе биде домаќин на турнирот „Balkan open“ според календарот на светската WAKO организација.
Од кик-бокс клубот Куманово 2006 учество ќе земат натпреварувачите Лука Велковски, Марко Бошковски и Јосиф Илиевски кои заедно со тренерот Сашо Илиевски ќе одат да освојат медали и добри резултати по напорните тренинзи кои ги одржуваат во салата на ТППЕ Куманово.
Со 10 натпреварувачи и двајца тренери на турнирот заминува и Кик-бокс клубот „Предатор“ од Куманово. Медали од овој клуб ќе се обидат да освојат кик-боксерите: Марко Бојковски, Христина Бојковска, Вилиам Трајковски, Јосиф Велковски, Данило Методиевски, Макс Спасовски, Блашко Денковиќ, Симона Денковиќ, Луна Димитриевска и Бојан Николовски.
Со нив заминуваат на турнирот заминуваат и двајцата тренери Оливер Милорадовски и Оливера Свилар.
– Голема благодарност до Кикбокс Маитаи Федерација на Македонија, градоначалникот Максим Димитриевски и општина Куманово за покривање на трошоци за превоз, котизација и хотелско сместување, стои во соопштението на КБК Предатор.
Никола Ивановски