Најмалку три лица загинаа, а 20 се повредени во руски напад врз зграда во украинскиот град Краматорск, соопшти регионалната полиција.
Според полицијата, оштетени се најмалку осум станбени објекти, а еден од нив е целосно уништен. Постои можност луѓето да се заробени покрај урнатините.
Според нивните изјави, руската армија во овој напад користела ракети Искендер.
Како што објави украинското Министерство за одбрана на својот официјален профил на Твитер, спасувачките операции се во тек.
„Под урнатините се слушаат крици за помош“, велат од Министерството.
This evening, a russian missile almost completely destroyed an apartment building in the center of Kramatorsk. Two dead and 7 wounded have already been found. Rescue operations are ongoing. People’s cries for help can be heard from under the rubble. pic.twitter.com/mcHQPdZ102
— Defense of Ukraine (@DefenceU) February 1, 2023
Потсетуваме, регионалниот гувернер Павло Кириленко објави дека руските ракетни сили истрелале ракета која погодила станбена зграда.
Претседателот на Украина, Володимир Зеленски, изјави дека ваквите настани се секојдневна појава во оваа земја.
„Станбена зграда, ракетен напад, цивили убиени и заробени под урнатините. Ова не е повторување на историјата, ова е секојдневната реалност на нашата земја. Земја која се граничи со апсолутно зло“, рече Зеленски.
Zelensky commented on the shelling of a residential building in Kramatorsk:
“A residential building, a missile strike, civilians killed and trapped under the rubble. This is not a repetition of history this is the daily reality of our country. A country bordering absolute evil.” pic.twitter.com/zxdRtuSaEH
— NEXTA (@nexta_tv) February 1, 2023
Сите информации поврзани со најновите случувања со војната во Украина можете да ги прочитате ТУКА.