На 11. вонредна специјална седница на ОН се гласаше за нацрт-резолуцијата за украинското прашање. Кина остана воздржана.
Кинескиот заменик претставник на ОН Генг Шуанг апелираше за политичко решение на украинската криза.
Како што изјави Генг, Генералното собрание на ОН, како најсимболична институција на ОН, треба да ги намали несогласувањата и да постигне консензус кога станува збор за украинското прашање.
Генг додаде дека предлог-резолуцијата предложена на седницата не е во интерес за постигнување на гореспоменатите цели, па Кина останала воздржана.
Предлозите на Генералното собрание на ОН мора да се придржуваат до принципот на еднаквост, треба да се слушнат сите ставови на земјите-членки и да се вреднуваат сите предлози на земјите-членки, рече Генг Шуанг.
Тој исто така изрази длабока загриженост поради ескалацијата на конфликтот, а приоритетна задача е сите страни да задржат воздржаност.
Без разлика на големите предизвици, вратата за политичко решение на кризата не мора да биде затворена.
Кинескиот претставник истакна дека хуманитарната ситуација во Украина се влошува, а претстојната зима ќе ја отежне.
Кина ги поздравува соседните земји на Украина да примат неколку милиони бегалци.
Кина ги поддржува ОН и меѓународните организации да продолжат да обезбедуваат помош за Украина врз основа на принципот на хуманитарност, еднаквост и независност.
Страните во конфликтот мора строго да се придржуваат до меѓународните хуманитарни закони, за да ги заштитат цивилите, особено жените и децата.
Генг Шуанг истакна дека Кина секогаш инсистира на тоа дека мора да се почитува територијалниот суверенитет, да се почитува безбедноста на сите страни.
Како одговорна земја, Кина секогаш стои на страната на мирот и ќе игра конструктивна улога во олеснување на ситуацијата и изнаоѓање политичко решение за кризата.
Сите информации поврзани со најновите случувања со војната во Украина можете да ги прочитате ТУКА.