Најмалку пет лица загинаа, а повеќе од 100.000 добија наредба да се евакуираат во најразорните шумски пожари што некогаш го погодиле Лос Анџелес, во американската сојузна држава Калифорнија.
Силниот ветер го отежнува гаснењето на пожарот.
Бројот на загинати во шумските пожари што беснеат околу Лос Анџелес се искачи на шест и може да се зголеми, соопштија властите.
Како што соопштија од Одделот за вода и електрична енергија во Лос Анџелес, водата од чешма не е за пиење до понатамошно известување, туку треба да се користи само флаширана или зовриена вода од чешма.
Ова предупредување е издадено на 8 декември и е резултат на низок притисок на водата предизвикан од голема потрошувачка за гаснење пожари, а одлуката останува во сила до натамошно известување додека не се направат целосни анализи и целосно не се стабилизира притисокот на водата.
Нема доволно вода, ниту пожарникари
„Нема доволно пожарникари во округот Л.А. да се справат со четири одделни пожари од оваа големина“, рече началникот на пожарникарите во округот Лос Анџелес, Ентони Марон.
Пожарникарите велат дека немаат доволно вода за да го изгаснат пожарот, а веќе втора ноќ горат цели станбени блокови.
Актерот и комичар Били Кристал објави дека го загубил својот дом во пожарите во Лос Анџелес.
„Зборовите не можат да ги опишат размерите на уништувањето на кое сме сведоци и кои ги доживуваме. Нашите срца болат за пријателите и соседите кои исто така ги загубија своите домови и бизниси во оваа трагедија“, се вели во заедничката изјава на актерот и неговата сопруга Џенис.
Градоначалничката на Лос Анџелес Карен Бас се огласи на социјалните мрежи.
„Испраќаме полицајци во Холивуд за да помогнат во ублажувањето на сообраќајниот метеж за време на евакуацијата. Итно работиме на затворање на патиштата, пренасочување на сообраќајот и овозможување поголем пристап на возилата на противпожарната служба да реагираат на пожарот.
Областа е дом на неколку популарни туристички атракции, вклучувајќи го кинескиот театар TCL и дел од Холивудската патека на славните.
Речиси милион домови останаа без струја поради големите пожари.
Гори една од најскапите населби во земјата
Вгнезден во ридовите со спектакуларни погледи на океанот, Пацифик Палисадес е едно од најскапите населби во земјата со просечна цена на домот од речиси 4 милиони долари од крајот на 2023 година.
Тој е дом на многу филмски, телевизиски и музички ѕвезди, кои беа принудени да ги напуштат своите домови.
Само во округот Лос Анџелес горат шест одделни пожари, а како што соопштија државните власти, ниту еден од нив не е под контрола.
Големи пожари се приближуваат кон градот и од источната и од западната страна, додека според неофицијални информации штетата се проценува на околу 50 милијарди долари.
Последниот пожар избувна на едно од најпопуларните места, Холивуд Хилс.