Поранешната обвинителка за воени злосторства Карла Дел Понте го повика Меѓународниот кривичен суд да издаде налог за апсење на Владимир Путин, пренесува АФП.
„Путин е воен злосторник“, рекла Дел Понте во интервју за дневниот весник „Ле Темпс“, а која ги истражуваше воените злосторства во Руанда и поранешна Југославија.
Германија купува ракетен систем за заштита од руски „Искандери“
Дел Понте, која со години работеше и на истрагата на Комисијата на ОН за прекршување на правото за истрага на војната во Сирија, нагласи дека издавањето налог за апсење е важен сигнал „дека истрагата е спроведена“.
„Тоа е единствениот инструмент што постои што дозволува сторителот на воени злосторства да биде уапсен и изведен пред МКС“, рече таа за Le Temps.
Дел Понт призна дека налогот за апсење не мора да значи дека Путин ќе биде уапсен.
„Ако остане во Русија, тоа никогаш нема да биде случај. Но, би било невозможно тој да ја напушти својата земја, а тоа би бил силен сигнал дека има многу држави против него.