Канада воведе санкции против 35 функционери од регионите Доњецк, Луганск, Херсон и Запорожје, се наведува во соопштението на Министерството за надворешни работи.
Како што се наведува, санкциите се воведени поради одржувањето на референдумот за припојување на тие четири украински региони кон Руската Федерација.
На списокот се највисоките функционери од тие области.
Да потсетиме, претседателот на Русија Владимир Путин вчера потпиша договори со лидерите на самопрогласените Народни републики Доњецк и Луганск (ДНР и ЛНР) Денис Пушилин и Леонид Пасечник и со шефовите на регионите Запорожје и Херсон Евгениј Балицки и Владимир Салда за присоединувањето на овие четири територии кон Руската Федерација.
Сите информации поврзани со најновите случувања со војната во Украина можете да ги прочитате ТУКА.