Времето денеска низ Македонија ќе биде сончево и топло со мала локална облачност, информираат од Управата за хидрометеоролошки работи.
Ќе дува слаб до умерен ветер од североисточен правец.
Минималната температура ќе биде во интервал од 12 до 20, а максималната ќе достигне од 32 до 39 степени.
Во Куманово и околината денеска ќе имаме соночево и многу топло време.
Ќе дува слаб до умерен ветер од северен правец.
Утринската темпратура ќе се движи околу 15 степени, а максималната дневна ќе достигне високи 35 степени целзиусови.
И во сабота ќе имаме сончево и многу топло време со слаб до умерено засилен ветер од северен и североисточен правец.
Температурата во утринските часови ќе се движи околу 14 степени, а максимумот во текот на денот ќе се искачи до 36 степени целзиусови.
Недела носи исто така сончево и многу топло време со слаб до умерен ветер од северен и североисточен правец.
Минималната температура ќе се спушти до 14 степени, а максималната ќе се искачи до високи 36 степени целзиусови.
И за време на продолжениот викенд, односно во понеделник ќе имаме сончево и многу топло време.
Ќе дува слаб до умерен ветер од западен правец, а температурата ќе се движи во интервал од минимални 14 до максимални 35 степени целзиусови.
Следната работна недела носи уште повисоки температури, а топлотниот бран според најавите ќе трае до 8 август.
Никола Ивановски