Британската кралица Елизабета Втора, која почина денеска на 96-годишна возраст, и нејзиниот сопруг принцот Филип биле гости на Јосип Броз Тито во 1972 година, кога претседателот на тогашната СФРЈ им приредил спектакуларен дочек.
Во рамки на настанот организиран по повод пристигнувањето на кралската двојка во Белград, имало и обиколка на Авала и споменикот на Непознатиот јунак, за што сведочат видеата направени за време на прошетката на делегацијата на Обединетото Кралство во паркот каде што се наоѓа познатиот споменик.
Инаку, тоа била прва посета на кралицата на комунистичка земја во источна Европа, поради што беше критикувана во некои западни медиуми.
Инаку, парот потоа помина два дена во Белград, а потоа ги посети Дубровник и Загреб на крајот од турнејата низ Југославија.
За време на престојот во главниот град на СФРЈ, принцот Филип беше одликуван со Орденот на југословенската голема ѕвезда, највисокото признание на тогашната СФРЈ востановено од Тито.
Сите информации поврзани со најновите случувања во Велика Британија можете да ги прочитате ТУКА.