Иако често констатираме дека не веруваме во временските прогнози, не можеме да направиме ништо без нив! Сите се прашуваме дали утре треба да ставиме чадор во торбата и дали, во секој случај, ни треба подебел џемпер – од тоа не може да се избега, па затоа сè уште го читаме она што го велат метеоролозите“.
Поради оние што честопати се лутат на временската прогноза, откриваме како работи и зошто се случуваат грешки.
Екстремните временски услови што се случуваат секојдневно ширум светот имаат огромно влијание врз животот на луѓето во погодените области. Пред неколку дена Западна Европа и Велика Британија беа погодени од големо невреме што го парализира животот низ европскиот континент. Временската прогноза во голема мерка им помага на луѓето да се подготват за такви работи и да спречат штети.
Какво време ќе имаме денеска во Куманово?
Како се формираат временските прогнози и зошто знаат да грешат?
Податоците за временските услови и атмосферата се собираат и чуваат во моќни супер-компјутери. Се мерат температурата на воздухот, притисокот, влажноста и брзината на ветерот. Овие податоци се собираат на глобално ниво и се користат за да се утврди временската прогноза.
Велика Британија инвестира 1,4 милијарди евра во супер компјутер за оваа намена и ова е вест што беше објавена пред само неколку дена. Сепак, отежнувачката околност е, всушност, брзината со која суперкомпјутерите успеваат да обработуваат атмосферски податоци.
Затоа, метеоролозите прават дополнителни мерења за да предвидат какви било промени и да ја надополнат прогнозата.
Тогаш, зошто прогнозите се често погрешни, и покрај деталните и обемни податоци?
Нашата атмосфера е толку чувствителна што дури и најмалите промени во океаните на светот, на пример, можат да влијаат на временските услови на копно.
Атмосферата е широк и комплексен систем, така што е невозможно целосно да се следи, што значи дека „неуспесите“ во метеоролошките текстови се неизбежни. На пример, неделната временска прогноза секогаш се менува.
Но, добра вест е дека како што напредува технологијата, системот за следење на времето ќе биде се повеќе точен. Така, британската метеоролошка канцеларија наведува дека четиридневната прогноза е точна и денес, колку што пред триесет години била точна прогноза за само еден ден.
Долгорочните прогнози, исто така, не се на одмет и се добар показател дали влажноста, на пример, ќе биде над или под просекот.
Каква бура е тешко да се предвиди?
Прецизно предвидување на локацијата е проблем. Дождот е особено непредвидлив. Честопати мислиме дека временската прогноза е погрешна затоа што сме очекувале обилни врнежи и не се случиле. Всушност, се случиле, на само неколку километри од нас.
Исто така, разни метеоролошки организации во светот користат свои компјутерски програми, што овозможува да се добијат неколку предвидувања кои не се исти за една област.
Постојат се поголем број апликации за набљудување на временските услови кои често користат различни пристапи за прогнозирање.
Доколку има 30% веројатност за дожд, едната апликација ќе го означи времето со симбол на чадор и друга со симбол на облак затоа што сè уште постои веројатност од 70% дека ќе биде суво. И заради овие разлики, постојат отстапувања во временските прогнози.
Секако, со развој на пософистицирана технологија, самата временска прогноза ќе стане попрецизна, подостапна и ќе се однесува на специфични области.