Израелската армија објави дека е во процес на „координирање на трансферот на инкубатори од болница во Израел во Газа“.
Заедно со соопштението објавено на социјалните мрежи, израелските одбранбени сили (ИДФ) објавија слика од она што се чини дека еден од нивните војници истоварува инкубатор од комбе на паркинг.
Не е прецизирано каде е направена фотографијата.
Веста доаѓа по најновите предупредувања од палестинските здравствени работници дека новородените бебиња страдаат поради недостаток на залихи во болниците во Газа – особено електрична енергија, без која не може да работи одредена опрема, пред се инкубатори.
Во неделата Светската здравствена организација објави дека најголемата болница во градот Газа, Ал-Шифа, престанала да функционира и дека ситуацијата во таа здравствена установа е „страшна и опасна“.
Портпаролот на израелските сили Даниел Хагари рече дека Израел ќе помогне да се евакуираат бебињата кои се борат во „побезбедна болница“ – иако не е јасно дали инкубаторите ќе бидат испратени во Ал-Шифа.
Медицинскиот персонал рече дека за безбедно движење на бебињата потребна е софистицирана опрема.
The IDF is in the process of coordinating the transfer of incubators from a hospital in Israel to Gaza. pic.twitter.com/C8jyv0g3sE
— Israel Defense Forces (@IDF) November 14, 2023