Израелските одбранбени сили денеска ги презедоа телата на четворицата израелски заложници во Газа, кои Црвениот крст ги однесе од Хамас.
ИДФ ќе одржи воена церемонија во нивно сеќавање, на која ќе присуствуваат војници и воен рабин.
Оттаму, посмртните останки под полициска придружба ќе бидат пренесени во Институтот за судска медицина во Абу Кабир, каде на телата ќе им биде извршен процес на идентификација, кој може да потрае и до 48 часа, во зависност од нивната состојба.
Ниту едно службено лице нема да може да влезе во Здравствениот дом кој ќе работи со полн капацитет за процесот да биде што побрз, а семејството ќе ги добие првите резултати.
Преговорите за следната фаза од прекинот на огнот оваа недела
Израел и Хамас оваа недела ќе започнат индиректни разговори за втората фаза од договорот за прекин на огнот, соопштија израелските власти.
Преговорите требаше да започнат на 4-ти февруари, но посредниците рекоа дека разговорите никогаш не започнале.
„Тоа ќе се случи оваа недела“, изјави израелскиот министер за надворешни работи Гидеон Саар на вчерашната прес-конференција во Ерусалим.
Која е втората фаза од преговорите?
Откако ќе се договори, се очекува да вклучи ослободување на сите преостанати заложници, вклучително и машки израелски војници, траен прекин на огнот и целосно повлекување на израелските сили.
Израел вели дека нема да се согласи на целосно повлекување додека не се елиминираат воените и политичките капацитети на Хамас, со што ќе се осигура дека тој повеќе не може да владее, додека Хамас одбива да ги предаде последните израелски заложници додека Израел не ја заврши војната и не ги отстрани сите свои војници.