Досега од банкоматот се вадеа само пари, отсега жителите на индискиот град Хајдерабад (држава Теленга) на банкомат ќе можат да купуваат златници со пари од кредитни или дебитни пластични картички.
Ова е прва ваква машина за реално време не само во Индија туку и во светот.
Уредот е произведен од приватна индиска компанија Goldsikka Pvt Ltd, која има развиено иновативна технологија за продажба на злато преку овој уред.
Банкоматот содржи пет килограми 24-каратни златници и нуди можност за купување во осум опции – од 0,5 грама до 100 грама.
Важна карактеристика на банкоматот е што цената на златото на неговиот екран се ажурира во реално време во согласност со ценовните промени на овој благороден метал на Лондонската берза.
Банкоматот има сигурен систем за заштита од хакерство. Опремен е со вградена видео камера, звучен аларм и има линија за комуникација со полицијата.
Според претставниците на Голдсика, уредот на сите им дава погодна можност да инвестираат во злато, избегнувајќи финансиски загуби, без потреба од посета на банки или продавници за накит.
На првиот ден од работењето, иновативниот банкомат го користеа 20 корисници.
Официјалното пуштање во употреба на првиот Златен банкомат беше на 5-ти декември, а планот е да се инсталираат 3.000 „Златни банкомати“ во Индија и да се пренесе овој производ на светскиот пазар.
We proudly announce that we have successfully launched Gold ATM and, through this achievement, we unleash the unstoppable journey to make Bharat Sone ki Chidiya phir se, and contribute to the mission of Bangaru Telangana.https://t.co/a2Q25copfW#goldatm #goldatmindia #goldatmhyd pic.twitter.com/Y4QOpuhoSD
— Goldsikka Limited (@goldsikkaltd) December 5, 2022