Скандал ја тресе Австрија по обвинувањата дека познат хирург ѝ дозволил на својата ќерка (13) да го издупчи черепот на пациент во операционата сала.
Маж (33), кој бил повреден во несреќа во шума во јануари годинава, со хеликоптер бил префрлен во Универзитетската болница во Грац, каде му биле констатирани тешки повреди на главата.
На пациентот му била потребна итна операција на главата, а хирургот наводно ѝ дозволил на својата ќерка тинејџерка да го отвори черепот на пациентот.
Иако операцијата поминала без компликации, младиот човек се уште не може да работи, а обвинителството во Грац покрена истрага против бројни лекари кои биле во операционата сала.
Австриските медиуми пишуваат дека случајот станал познат во април, кога во обвинителството пристигнала анонимна пријава.
Несреќниот пациент „дека се работи за неговата глава“ од полицијата дознал дури во јули.
Хирургот и специјалистот кој бил во собата за време на операцијата наводно се отпуштени од болница.
Пациентот наводно прво дознал за грозоморниот случај од медиумите, а дури подоцна полицијата го известила дека е „клучен сведок во истрагата“.
„Лежиш таму, не по твоја волја, онесвестен си, а од тебе прават експериментално глувче. Не знам како поинаку да го опишам… Ова не смее вака“, изјави Питер Фрајберг, адвокат на жртвата.
Тој додаде дека секој кој бил присутен во операционата сала сноси одговорност и наведува дека болницата не контактирала со неговиот клиент за овој инцидент.
Ниту бил контактиран, ниту објаснување, ниту извинување, ништо“, рече адвокатот.
Специјалистот за траума рече дека „не разбира како некој може да дозволи дете да има операција“ под такви околности.
„Операцијата им припаѓа на луѓето кои имаат работа таму и на никој друг. На детето не треба да му се дава дупчалка и да му се дозволи да ја дупчи коската на тешко повредено лице“, вели Манфред Богнер.