Хакерската група Ci0P добила податоци за поединечни вработени во Британскиот фонд за заштита на пензиите користејќи услуга за пренос на податоци од трета страна, објави Блумберг.
Според агенцијата, Фондот управува со имотот од 39 милијарди фунти од своите 295.000 членови и ги штити луѓето со пензија кога работодавачот ќе стане несолвентен.
Во соопштението на фондот се наведува дека, користејќи ја услугата за трансфер „Go anywhere“, хакерите компромитирале некои податоци од вработените, но дека украдените информации „не биле поврзани со членови или пензионери“.
Хакерската група Ci0P ја презеде одговорноста за нападите врз Фондот.
Групата е позната по тоа што користи таканаречен ransomware за шифрирање на компјутерите на своите жртви за да не може да им се пристапи, а потоа бара плаќање за отклучување на датотеките, додека се заканува дека ќе ги објави украдените информации на интернет.
Се верува дека членовите на бандата Cl0P се Руси и се една од најуспешните банди за откуп во последниве години, кои изнудиле стотици милиони долари од своите жртви, според Блумберг.