Измамниците испраќаат 18 милиони лажни пораки за коронавирусот на корисниците на Gmail секој ден, соопшти Гугл.
Техничкиот гигант вели дека пандемијата довела до „експлозија“ на измамнички напади во кои сајбер-криминалците се обидуваат да ги измамат корисниците да ги откриваат своите лични информации, пренесува Би-Би-Си.
500.000 лозинки од корисниците на моментално најпопуларната платформа завршија на црниот пазар
Како резултат на тоа, компанијата блокирала повеќе од 100 милиони лажни пораки дневно, а минатата недела скоро една петтина од ваквите пораки преку е-пошта биле поврзани со коронавирусот.
Профилите на Gmail ги користат 1,5 милијарди луѓе.
Поединците добиваат најразлични пораки, на кои испраќачите се претставуваат како службени лица, како што е Светската здравствена организација, со цел „да ги натераат“ жртвите да преземаат софтвер или да донираат за непостоечки цели.
Процут на 5G уредите: Во оваа држава се очекува продажба на 8,4 милиони уреди
Сајбер-криминалците исто така се обидуваат да го искористат пакетот државна помош, претставувајќи се како јавни институции.