Московскиот градоначалник Сергеј Собјанин ги откажа сите масовни настани во руската престолнина во саботата поради ескалација на тензиите со паравоената група Вагнер, јавува Анадолија.
– Во Москва е воведен режим на антитерористичка операција. Во овој поглед, претходно најавените масовни настани се откажани во градот – рече Собјанин во изјава за Телеграм.
Претходно во саботата, Собјанин рече дека оклопните возила ќе возат низ улиците на Москва бидејќи мерките за безбедност се зајакнати.
Русија го обвини шефот на Вагнер, Евгениј Пригожин за поттикнување бунт откако неговите сили се преселија од Украина во рускиот град Ростов.
Тензиите меѓу Кремљ и Вагнер се зголемија откако Пригожин ги обвини руските сили дека ги напаѓаат неговите платеници.
Русија доцна во петокот ги негираше тврдењата и издаде налог за апсење на Пригожин.
Во последниве месеци, Пригожин постојано ја обвинуваше Русија дека не испорачува доволно оружје на паравоената група.
Сите информации поврзани со најновите случувања со војната во Украина можете да ги прочитате ТУКА.