Градоначалникот на бразилскиот град Бареирос, Карлињос да Педреира, им се развикал на двајца дежурни лекари од локалната болница откако ги нашол заклучени во соба во здравствената единица за време на нивната смена.
За време на обиколката на болницата во среда, чии снимки беа објавени на социјалните мрежи, градоначалникот обвини маж и жена дека се забавуваат додека пациентите чекаат на лекување.
Градоначалникот дошол на инспекцијата ненајавено, во придружба на членови на неговиот кабинет.
Инспекцијата следела по поплаките за доцнење во услугите во одделот.
Педреира изјавил дека имало три лекари на смена, но дека само еден се грижел за пациентите во времето на инспекцијата.
Видеото покажува дека градоначалникот ги пронашол лекарите во соба со заклучена врата.
Се гледа како тропа на вратата, се претставува на заклучените лекари, а потоа им наредува да ја отворат.
Кога ја отвориле вратата со вик, тој им наредил да го напуштат одделот.
Градоначалникот рече дека експертите „се забавувале“ во текот на работното време додека пациентите чекаат на лекување.
– Нека дојде жена да провери дали е облечена бидејќи ќе разговараме лице в лице – рече градоначалникот.
Инцидентот го сними тим што го следеше градоначалникот и го сподели на социјалните мрежи.
На видеото, може да се чуе и како присутните ја изразуваат својата поддршка за постапките на градоначалникот.
Неколку часа подоцна, како одговор на јавното негодување, Карлињос издаде ново соопштение, но не спомена дека лекарите биле во врска и тврдеше дека експертите одмарале во текот на работното време.
Градоначалникот, сепак, ја бранеше инспекцијата и одлуката за отстранување на двајцата дежурни лекари од болницата.
Регионалниот медицински совет на федералната држава Пернамбуко го изрази своето незадоволство од јавното понижување на дежурните лекари.
Организацијата изјави дека сите прашања поврзани со медицинските работници треба да се решат преку соодветни институционални и законски канали и без разоткривање или засрамување на вклучените професионалци.
View this post on Instagram