Иако предупредувањето не е ново, треба да се повторува. Најбезбедно место за полнење на паметниот уред е – дома.
ФБИ издаде предупредување во врска со бесплатните јавни станици за полнење на паметни уреди.
Тие објавија дека хакерите успеале да преземат контрола на голем број јавни места за полнење уреди, поради што можат да ги заразат предметните уреди со злонамерен софтвер или да добијат пристап до податоците лоцирани на уредот што се полни.
Тие наведуваат дека би било добра идеја да се избегнува користење станици за полнење на аеродроми, хотели или трговски центри. Носете свој полнач и USB-кабел и користете електричен штекер, напиша канцеларијата на ФБИ во Денвер.
Но, предупредувањето не е ново.
ФБИ во својот безбедносен билтен пред неколку години пишуваше за потенцијалните проблеми со кои би можел да наиде наивен корисник, само затоа што сакал „да земе малку енергија“ за својот уред.
Експертите за компјутерска безбедност долго време предупредуваат за опасноста од такво јавно полнење на уредите, особено на места каде што корисниците ги оставаат уредите без надзор.
Во секој случај, најбезбедно е да ги полните уредите дома со свој полнач, а ако ви треба полнење кога сте некаде, повеќе сакате да користите преносни батерии или да најдете штекер и со свој полнач наместо да позајмувате туѓи или да користите јавни полначи.
И секако, во поставките на телефонот, проверете дали опцијата за пренос на податоци е исклучена кога ќе се поврзете.