Репортерот на „Волстрит журнал“ Еван Гершкович денеска се појави пред судот во Русија на сослушување под обвинение за шпионажа.
Рочиштето во судскиот процес наместо да се одржи на 13 август е поместено за денеска, а одлуката за поместување на датумот е донесена на барање на одбраната на Гершкович.
Новинарот се соочува со обвинение за шпионажа и казна затвор до 20 години.
Гершкович, Волстрит журнал и владата на САД ги нарекоа тужбите лажни и политички мотивирани.
Според руското обвинителство, Гершкович е обвинет дека, по инструкции на ЦИА, собрал „тајни информации во регионот Свердловск за активностите на одбранбената фабрика НПК Уралвагонзавод АД за производство и поправка на воена опрема“ во март 2023 година.
На 30 март 2023 година, руската ФСБ објави дека Гершкович бил уапсен во Екатеринбург под сомнение за шпионажа за американската влада.
Гершкович е првиот американски новинар кој е уапсен во Русија под обвинение за шпионажа од крајот на Студената војна.