Фолксваген купува удел во кинески производител на електрични автомобили

Сподели со своите пријатели

Германскиот производител на автомобили Фолксваген планира да купи удел во кинескиот производител на електрични автомобили XPENG за да ја зголеми намалената продажба на најголемиот пазар на автомобили во светот.

VW во средата објави дека планира да купи нешто помалку од пет проценти од XPENG за 700 милиони долари и да работи со нив на развивање на два модели на електрични автомобили од средна класа за кинескиот пазар.

Двете компании допрва треба да ги разјаснат деталите од договорот и да добијат регулаторни дозволи, а планираат да ги пласираат новите модели во 2026 година.

ПРОЧИТАЈТЕ И:  Шпанија укинува повеќе од 50.000 туристички станови

Групацијата VW досега забележа само скромни резултати на кинескиот пазар на електрични автомобили и испорача 62.400 од нив во првата половина од годината, 1,6 отсто помалку од истиот период минатата година. Во цела година планирале да испорачаат околу 200.000.

Кога се вклучени автомобилите на фосилни горива, пратките паднаа за 1,2 отсто, покажа деловниот извештај објавен во четвртокот.

Кога ќе се вклучат сите пазари, тие испорачале 4,37 милиони возила, 12,8 отсто повеќе од истиот период лани.

Истовремено ја намалија проценката за испораките за цела година, од девет на 9,5 милиони на девет милиони, поради неизвесната макроекономска состојба.

Во првата половина од годината нивните приходи скокнаа за 18 отсто, на 156,3 милијарди евра, поттикнати од значително повисоката продажба во Европа и Северна Америка и цените.

ПРОЧИТАЈТЕ И:  Двајца мажи во Замбија осудени за вештерство: Сакале да го убијат претседателот со магија

Добивката по оданочување падна за 20 отсто, на 8,52 милијарди евра.