Финската влада, во која доминираат жени, планира скоро двојно да го зголеми периодот на родителско отсуство и да им овозможи на татковците иста должина на платен одмор како и мајките.
Отсуството за татковците ќе биде продолжено на скоро седум месеци и ќе се надомести со породилното отсуство. Околу половина од родителското отсуство ќе може да биде пренесено на друг родител.
Бремените жени, исто така, имаат право на породилно отсуство еден месец пред нивниот очекуван термин.
Министерот за здравство и социјална политика Аино-Каиса Пеконен рече дека целта на „радикалните реформи“ е да се зголеми родовата еднаквост и стапката на наталитет.
„Ова овозможува поголема еднаквост меѓу родителите и разновидност меѓу семејствата“, рече Пеконен.
Во Шведска и Исланд, раѓањата се зголемија откако обете држави го зголемија родителското отсуство на татковците, додаде финскиот министер.
Финската владејачка коалиција, која е на власт од декември, има пет партии, сите предводени од жени. Четири од нив се под 35 години.
Зголемувањето на половата еднаквост е една од целите на владата.