Вулканот Етна во јужна Италија, поточно на островот Сицилија, повторно исфрла пепел и лава.
Еден од најактивните европски вулкани повторно еруптираше и исфрла лава. Продолжува вулканската активност на Етна, која е висока околу 3.300 метри.
Активниот југоисточен кратер на вулканот, кој првпат стана активен овој месец, минатиот викенд повторно исфрли пепел и лава. Текот на лава се спушти по снежните падини на Етна.
Италијанскиот национален институт за геофизика и вулканологија (INGV) изјави дека вулканската активност во Етна била ограничена на југоисточниот кратер.
INGV издаде предупредување за авиони кои минуваат низ регионот и рече дека аеродромот Фонтанароса во Катанија не е погоден од најновата вулканска активност.
Етна е најголемиот и најактивниот вулкан во Европа. Неговите чести ерупции често се придружени со големи текови на лава, но тие ретко претставуваат опасност за населените области.
Етна е еден од вулканите со најдолги историски записи за ерупции, кои датираат повеќе од 2.000 години, пишува Анадолија, а пренесува N1.