Ерменија смета дека е несоодветно вежбите на Организацијата на Договорот за колективна безбедност (ОДКБ) да се одржуваат на нејзина територија оваа година, изјави премиерот Никола Пашинјан.
Тој наведе дека ерменскиот министер за одбрана го информирал Здружениот штаб на ОДКС дека во сегашната ситуација Ерменија смета дека е несоодветно вежбите на ОДКБ да се одржуваат на нејзина територија, пренесува Интерфакс.
Агенцијата наведува дека Министерството за одбрана на Русија на 1 јануари објавило дека единици на руските копнени сили ќе учествуваат на мировната вежба на ОДКБ во Ерменија оваа година.
На 23 ноември минатата година во Ереван, Пашинјан одби да ја потпише нацрт-декларацијата на Советот за колективна безбедност на ОДКБ и нацрт-заедничките мерки за давање помош на Ерменија.
Како што тогаш објави владината прес-служба, Пашинјан укажа на важноста на политичката оценка на ОДКБ за активностите на Азербејџан против Ерменија.
„Политичката оценка е неопходна пред сè од морална гледна точка, бидејќи таа треба да биде логична манифестација на сојузничките односи. Се разбира, важно е и од аспект на враќање на територијалниот интегритет на нашата земја, но овој стрем само по себе не значи воена интервенција, рече Пашинјан.
Дополнително, на почетокот на декември Пашинјан изјави дека не му е јасно каква конкретна помош ѝ понудила ОДК на Ерменија кога станува збор за спорот со Азербејџан, чиј центар е регионот Нагорно Карабах.
Ерменија и Азербејџан, две поранешни советски републики во регионот на Кавказ, водеа две војни и неколку помали конфликти во последните три децении за Нагорно-Карабах.