Експлозија се случи денеска во фоајето на луксузниот станбен комплекс „Алие Паруса“ во северозападна Москва, јави државната новинска агенција ТАСС, повикувајќи се на итните служби.
Руските медиуми јавуваат дека најмалку едно лице загинало, а четворица се повредени.
Се известува дека меѓу повредените се и телохранителите на човекот кој загина во експлозијата.
Експлозијата била предизвикана од неидентификувана експлозивна направа, а руските агенции за спроведување на законот се сомневаат дека станува збор за планиран атентат, пренесе ТАСС, повикувајќи се на властите.
Интерфакс објави дека најверојатно експлодирала граната.
Explosion in Moscow residential complex
One person dead and four injured in the lobby of “Alye Parusa” residential complex in Moscow.
Authorities have launched a criminal investigation, but the cause remains unknown. Investigators and forensic experts are working alongside… pic.twitter.com/EoxRbtBDSO
— NEXTA (@nexta_tv) February 3, 2025
Убиен соработникот на Путин?!
На социјалните мрежи се појавија тврдења дека Армен Саркисјан, кој е етикетиран како соработник на руските власти во украинскиот регион Доњецк, е убиен.
Според украинските разузнавачки служби, тој регрутирал затвореници од териториите на таа област, кои се под контрола на Москва, за руската армија.
Се известува дека Службата за безбедност на Украина (СБУ) трагала по Саргсјан.
Саркисјан беше и претседател на Боксерската федерација на самопрогласената Народна Република Доњецк (ДПР), познат и како Армен Горловски, пренесува Интерфакс, повикувајќи се на прелиминарни податоци од агенциите за спроведување на законот.
🔥A suspected collaborator from Donetsk region was killed in Moscow
Armen Sarkisyan, a criminal authority from Donetsk region known for his collaboration with the occupiers, was killed in an explosion in Moscow. According to Ukrainian intelligence services, Sarkisyan was… pic.twitter.com/ZpgatNCHL2
— big ben (@alternative_war) February 3, 2025